tayfun67
Kilopat
- Katılım
- 16 Haziran 2013
- Mesajlar
- 129
- Çözümler
- 1
Daha fazla
- Cinsiyet
- Erkek
QƏRİBƏM
Soruşma halımı necəyəm indi,
Sakinsiz boş qalmış küçəyəm indi.
Sabahı olmayan gecəyəm indi,
Günəşi əbədi batan qəribəm.
Ağrısın,acısın sözünə yığıb,
Bu boyda dünyanı gözünə yığıb.
Dərdin hamısını özünə yığıb,
Sevinci havayı satan qəribəm.
Bu həyat könlümə,ruhuma yatmır,
Harayım kimsəyə yetişmir,çatmır.
Dünya öz dərdində boğulmur,batmır
Mənsə öz dərdimdə batan qəribəm.
Yerimi yandıran qor oldu bəxtim,
Özünə min tələ,tor oldu bəxtim,
Gözü açılmadı kor oldu bəxtim,
Hələ də taleyi yatan qəribəm.
Mən odam alışıb həm özü keçən,
Ocağı qaralıb,həm közü keçən.
Böyüklər yanında ay,sözü keçən,
Hələ də yurdumda utan,qəribəm.
Oldu arzularım talan dünyada,
Bu fani dünyada,yalan dünyada.
Bu qədər alçağı olan dünyada,
Mərdliyi üstündən atan qəribəm.
Yurdsuzuq kimlərin gör bir üzündən,
Yüz böhtan üzündən,yüz şər üzündən.
Bezib insanlardan,həm yer üzündən,
Üzümü allaha tutan qəribəm.
Soruşma halımı necəyəm indi,
Sakinsiz boş qalmış küçəyəm indi.
Sabahı olmayan gecəyəm indi,
Günəşi əbədi batan qəribəm.
Ağrısın,acısın sözünə yığıb,
Bu boyda dünyanı gözünə yığıb.
Dərdin hamısını özünə yığıb,
Sevinci havayı satan qəribəm.
Bu həyat könlümə,ruhuma yatmır,
Harayım kimsəyə yetişmir,çatmır.
Dünya öz dərdində boğulmur,batmır
Mənsə öz dərdimdə batan qəribəm.
Yerimi yandıran qor oldu bəxtim,
Özünə min tələ,tor oldu bəxtim,
Gözü açılmadı kor oldu bəxtim,
Hələ də taleyi yatan qəribəm.
Mən odam alışıb həm özü keçən,
Ocağı qaralıb,həm közü keçən.
Böyüklər yanında ay,sözü keçən,
Hələ də yurdumda utan,qəribəm.
Oldu arzularım talan dünyada,
Bu fani dünyada,yalan dünyada.
Bu qədər alçağı olan dünyada,
Mərdliyi üstündən atan qəribəm.
Yurdsuzuq kimlərin gör bir üzündən,
Yüz böhtan üzündən,yüz şər üzündən.
Bezib insanlardan,həm yer üzündən,
Üzümü allaha tutan qəribəm.